Tyson Fury ka qenë në disponim shumë të mirë këto ditë, pasi tashmë i është hequr pezullimi për të boksuar.
Ish-kampionit të botës i është kumtuar lajmi se mund t’i kthehet sportit të tij të preferuar pas suspendimit dyvjeçar, ndërsa në profilin e tij në Instagram i ka publikuar disa video duke u argëtuar në veturë.
Në njërën prej tyre, ai shfaqet duke e dëgjuar hitin e Dua Lipës, “New Rules”.
“Para palestrës, ndjenjë fantastike”, ka shkruar Fury në përshkrimin e videos.
Porsa u njoftua për largimin e suspendimit, Tyson menjëherë i bëri ftesë Anthony Joshuas për duel.
Ndryshe, “New Rules” e Dua Lipës ka arritur 775 milionë shikime në YouTube dhe është rrugës për të kaluar një miliard.
Viti 2017 ka qenë jashtëzakonisht i suksesshëm për këngëtaren shqiptare, e cila tashmë ka bërë vendin e saj në skenën botërore të muzikës. /Telegrafi/
