Kosova mori humbjen e parë në këto eliminatore, por që po del të jetë rezultati më i dhimbshëm deri më tani.
Një humbje nga Bjellorusia që fitoren e fundit e kishte marr në vitin 2021, pra me 27 mars, kur kishte mposhtur Estonin me rezultat 4-2.
Humbja e Kosovës në Budapest, në një terren neutral me rezultat 2-1, ka lënë një ambient të heshtur, pa lider, pasi asnjëri nga lojtarët nuk doli të flas për media pas kësaj disfate, që u bë edhe më turpëruese me mos këtë prezencë të tyre.
Doli foli përzgjedhës Alain Giresse, i cili siç duket nuk e ka ndërmend të jap dorëheqje, kërkon shkarkimin, që të marr paratë nga pjesa e mbetur e kontratës.
Amir Rrahmani, kapiten i Kosovës, lojtari me më së shumti paraqitje, 52 me Dardanët, nuk doli të thotë asnjë fjalë, të kërkonte falje të paktën, për një ndeshje shumë të dobët, për një humbje që erdhi si erdhi, pasi e ka obligim, është kapiten.
Vedat Muriqi me 47 ndeshje, asnjë fjalë. Mërgim Vojvoda me 47 ndeshje, asnjë fjalë. Fidan Aliti me 45 ndeshje, asnjë fjalë.
Dikush duhet të dal të flas, pasi shumë njerëz presin të dëgjojnë se çfarë do të thoni, si erdhi humbja, çfarë do të ndodh në të ardhmen.
Këtë ua keni borxh edhe mediave, që bëjnë kilometra për t’i ndarë gëzimet dhe hidhërimet me ju.
Humbja turpëruese u bë edhe më e turpshme me mbylljen e gojës nga ana juaj. /Telegrafi/