Është konsideruar si fshehtësia e ndytë e Santorinit të Greqisë – skenat e pakëndshme, të gomarëve që i bartin turistët, nëpër 250 shkallët me kalldrëm, të regjionit Fira.
Mirëpo, tani është dihet mirë dhe ka filluar një fushatë, që iu kërkon turistëve, të mos shfrytëzojnë këto kafshë për të ngjitur shkallët, transmeton Telegrafi.
“Derisa ju po shtoni peshë, gomarët po kanë probleme me shpinë, dobësim të këmbëve dhe lodhje të tepërme” thuhet në një prej sloganeve.
Në kohën kur temperatura është rreth 30 gradë Celsius, gomarët duhet të bëjnë deri në katër xhiro, para se të kthehen sërish në bazë.
Kryetari i qytetit, Nikos Zorzos ka mbështetur kampanjën, meqenëse nuk ka ndonjë ligj të rregulluar që ndalon shfrytëzimin e këtyre kafshëve.
Megjithatë, turistët po vazhdojnë të shërbehen nga gomarët, të cilët besohet se ushqehen pak dhe mundohen më shumë se që është e lejuar.
Ministria e Zhvillimit Rural dhe Ushqimit, planifikon të vë në fuqi ligjin, me të cilin ndalohet që gomarët të ngarkohet mbi 100 kilogramë, apo pesë herë më shumë se pesha tyre. /Telegrafi/
