Tufë derrash të egër kanë shkaktuar aksident trafiku në autostradën “Ibrahim Rugova”.
Rastin e ka bërë të ditur zyrtarja e policisë për media, Luljeta Mehmeti.
Ajo ka thënë se aksidenti ka ndodhur afër fshatit Duhel të Suharekës, si pasojë ngasësi i automjetit ka marrë lëndime trupore.
“Ju njoftojmë se rreth orës 19:40 në autostradën Ibrahim Rugova, përkatësisht në Duhel, një veturë me targa vendore ka goditur një tufë derrash të egër. Vozitësi i veturës ka marrë lëndime trupore si dhe sipas informacioneve qe kemi deri tash gjendja e tij është stabile”, ka thënë Mehmeti.
Ndërkaq, sipas policisë Shoqata e Gjuetarëve ka larguar derrat nga rruga dhe qarkullimi i automjeteve është normalizuar.
Në vendngjarje kanë dalë edhe njësitë relavante për mirmbajtjen e rrugës./Telegrafi/
