Tre persona kanë mbetur të lënduar në aksidentin që ka ndodhur në rrugën Fushë – Kosovë.
Zëdhënësja e Policisë për Rajonin e Prishtinës, Flora Ahmeti tha për Telegrafin, se në aksident janë përfshi katër automjete.
“Sot rreth orës 12:40 kemi pranuar informatën se në rrugën Fushë Kosovë- Prishtinë, ka ndodhur një aksident trafiku. Në këtë aksident kanë qenë të përfshira katër automjete. Si pasojë e aksidentit lëndime trupore kanë pësuar tre persona”, u shpreh ajo.
Ahmeti shtoi tutje se me rastin po merret njësiti i trafikut rrugor./Telegrafi/