Trajneri i Manchester Cityt, Pep Guardiola, gjithmonë e ka pasur sensin e daljes nga korniza, ndërsa ideja e tij më e fundit është parë në ndeshjen e fundjavës kundër Aston Villas.
Strategu spanjoll është i njohur për ndryshimet në fushën e lojës, ndërsa shumë lojtarëve ua ka ndërruar pozitat, disa prej të cilëve për gjithë karrierën.
Në sfidën e Ligës Premier, ai vendosi që njërin prej anësorëve më të rrezikshëm ofensivë ta vendoste në fazën e mbrojtjes.
Pep Guardiola deploys Bernardo Silva deep to beat opposition high press #Pep #ReInventingTheGame pic.twitter.com/ieXzVNetlg
— The Pep (@GuardiolaTweets) February 13, 2023
Në fitoren prej 3-1 ndaj Aston Villas, Bernardo Silva luajti në rolin e mbrojtësit të krahut të majtë dhe këtë detyrë e kreu me përpikmëri.
Kur City nuk e kishte topin në posedim, portugezi angazhohej si mbrojtës krahu, ndërsa kur kampioni sulmonte, shndërrohej në rolin e një mesfushori qendror.
Në disa momente Bernardo e kishte rolin e stoperit. Kur Aymeric Laporte shkonte në krahë, Silva kishte për detyrë të plotësonte pozicionin e stoperit. Si një nga futbollistët më inteligjentë të ditëve të sotme, ai u përshtat lehtësisht në pozicionet që nuk i kishte luajtur kurrë.
Bernardo Silva had 107 touches today, second to only Rodri (which goes without saying). Left-back, central midfield, left wing, right wing, centre half… he was genuinely everywhere. Mercurial footballer. pic.twitter.com/TmEsA7Sr1H
— Lewis Steele (@LewisSteele_) February 12, 2023
Edhe në të kaluarën, Guardiola i ka dhënë detyra nga më të ndryshmet në fushë, por me atë që bëri të dielën mbrëma, mund të thuhet me siguri se portugezi ka luajtur në të gjitha pozicionet e mundshme te City, përveç atë të portierit.
“Ai ka aftësinë të luajë në të 10 pozicionet, sepse është shumë i zgjuar. Është i shkurtër, por është i zgjuar”, ka deklaruar Guardiola pas fitores ndaj Villas. /Telegrafi/
