Kur disa prej transferimeve të një skuadre janë të qëlluara, ato janë të afta për të ndryshuar fytyrën e një skuadre dhe madje edhe sezonin, duke u treguar vendimtare për kampionatin apo kualifikimin në Ligën e Kampionëve e më shumë.
Tashmë kur është hapur afati i transferimeve dimërore, këtu është një përmbledhje e blerjeve më të mira të bëra ndonjëherë në Serie A në janar, nga mënyra se si ata performuan ose nga rëndësia e marrëveshjes.
Edgar Davids
Nga Milani në Juventus
Dhjetor 1997
Nga një “mollë e kalbur”, e paaftë për t’u përshtatur në dhomat e zhveshjes së kuqezinjve, te një lojtar gjigant për Juventusin e Lippit, i cili ishte jetik në mesfushë. Me Juven fitoi tri kampionate, i pari në vitin e transferimit të tij.
Hidetoshi Nakata
Nga Perugia në Romë
Janar 2000
Një blerje e aftë për të drejtuar garën e Scudettos: hyrja e tij në ndeshjen kundër Juventusit ishte thelbësore, i cili dukej i humbur dhe të cilin ai e drejtoi me dy goditje. Ai ndihmoi Romën ta fitonte titullin.
Stefano Mauri
Nga Udinese në Lazio
Janar 2006
Një sezon e gjysmë bardhezi pas kalimit mes Modenës dhe Brescias. Ai kaloi më pas te Lazio, me 10 sezone e gjysmë në Biancoceleste.
Ronaldo
Nga Real Madridi te Milani
Janar 2007
Grusht shteti historik posaçërisht për kuptimin simbolik : Fenomeni kthehet në Milano, qyteti nga i cili “shpëtoi” për të shkuar të luante për Real Madridin. Por, ai zbarkon në anën e kuqezinjve dhe në derbi shënon edhe golin ndaj ish-skuadrës së tij.
Alexandre Pato
Nga Internacional te Milani
Janar 2008
I blerë zyrtarisht në verën e vitit 2007, Pato bëhet në të gjitha aspektet një dominues i tregut të transferimeve të dimrit, duke qenë se kuqezinjtë, sipas rregullores, mundën ta regjistronin atë vetëm nga 1 janari 2008. Dhe në ndeshjen e tij të parë ai shënoi menjëherë.
Thiago Silva
Nga Fluminense te Milani
Dhjetor 2008
Grusht shteti nga Leonardo, i cili e raporton atë te kuqezinjtë: U gjet marrëveshja në tregun e transferimeve të dimrit (10 milionë euro) por Milani do të mund ta regjistrojë zyrtarisht vetëm duke filluar nga sezoni vijues për shkak të mungesës së vendeve në dispozicion për lojtarët jo-evropian. Ndërkohë, ai stërvitet në Milanello me shokët e tij të skuadrës, të cilët e kuptojnë menjëherë se mes tyre kanë një kampion.
Luca Toni
Nga Bayern Munich te Roma
Janar 2010
Në mosmarrëveshje me Van Gaal, ai vjen si huazim falas në një ekip të Romës që lufton për Scudetton me Interin, duke shënuar gjithashtu një gol në përplasjen direkte me Nerazzurrët që duket se i afron Giallorossët drejt titullit. Më pas Interi do të ngrihet sërish në renditje, duke lënë vetëm keqardhje për sulmuesin: aventura e tij në Romë përfundon pas vetëm 6 muajsh.
Mark van Bommel
Nga Bayern Munich te Milani
Janar 2011
Allegri ishte në kërkim të një lojtari për fazën defanzive dhe Bavarezët ua japin në formë huazimi. Fati i kuqezinjve, të cilët do të festojnë Scudetton në fund të vitit, do të ndryshonte.
ANTONIO CASANO
Nga Sampdoria te Milani
Janar 2011
Një tjetër shtesë thelbësore për skuadrën e Milanit që do të fitojë Scudetton në fund të sezonit. I larguar nga Sampdoria, ai lulëzon përsëri në Milano, duke folur të njëjtën gjuhë futbolli si Ibrahimovic dhe Robinho.
Andrea Barzagli
Nga Wolfsburg në Juventus
Janar 2011
Aventura e tij në Bundesligë ishte drejt fundit, ai nuk dukej më si mbrojtësi premtues që u pa te Palermo. Juve pagoi vetëm 300 mijë euro dhe bëri një nga marrëveshjet më të mira në historinë e saj. Një goditje e aftë për të ndryshuar fatin e një ekipi, i cili themeloi mbi të “BBC”-në e pathyeshme. Hapja e një cikli mbresëlënës fitoresh.
Mario Balotelli
Nga Manchester City te Milani
Janar 2013
Udhëtim vajtje-ardhje Milano-Manchester: Milani e kthen në Itali, i njëjti qytet, por kundër Interit. Galliani e rrëmben nga City për 20 milionë euro plus 3 milionë bonus në ditën e fundit të merkatos së dimrit. 31 janar 2013, tre ditë më vonë ai do të bëjë debutimin e tij kundër Udineses në San Siro: Shçnon dygolësh për një vend në Ligën e Kampionëve. Milani ndjek dhe kalon Fiorentinën në vendin e tretë, falë golave të Super Marios, 12 në 13 ndeshje kampionati.
Mohamed Salah
Nga Chelsea te Fiorentina
Janar 2015
Ai nuk ishte Salahu që njohim sot, kur Chelsea e trajtoi atë si “të tepërt”, duke e përfshirë atë në negociatat për të marrë Cuadradon. Momo pranoi pa dëshirë një huazim të shtrenjtë për 1 milion euro dhe mundësinë e pagesës në verë për 15 milionë. Me një klauzolë: veton nga lojtari, në rast se ai nuk dëshiron të largohet. Në gjashtë muaj, Viola ndryshon sezoni (9 gola në 26 ndeshje) dhe do të donin ta mbanin, por ai kundërshton veton e famshme dhe i thotë lamtumirë Fiorentinës për Romën.
Marcelo Brozovic
Nga Dinamo e Zagrebit te Interi
Janar 2015
Në janarin që sjell Mancinin (i cili mori drejtimin nga Mazzarri) Xherdan Shaqirin dhe Lukas Podolskin, kroati rezulton të jetë marrëveshja e vërtetë, i vetmi i aftë të vendoset te Nerazzurri deri në pikën për të fituar vendin si drejtues i ekipit në fushë.
Milan Skriniar
Nga Zilina në Sampdoria
Janar 2016
Praktikisht i huaj kur Sampdoria e sjell në Itali për një milion euro. Atij i mjafton një sezon e gjysmë, i dyti në një nivel shumë të lartë, që skuadrat e mëdha t’i drejtohen atij. Dhe Interi i paguan 34 milionë euro.
Stephan El Shaaarawy
Nga Monaco në Romë
Janar 2016
Së bashku me Perottin, Sabatini i jep edhe Spallettit talentin kuqezi, i cili gjashtë muajt e parë të sezonit i kaloi në Monaco pa lënë gjurmë. Huazimi i ri te Roma, rezultate të kundërta: ai rezulton të jetë një armë e çmuar për të arritur në Ligën e Kampionëve dhe do të blihet në fund të sezonit për 13 milionë euro. Në vitin 2019 ai do të shkojë në Kinë dhe më pas do të kthehet sërish në janar 2021.
Dejan Kulusevski
Nga Atalanta në Juventus
Janar 2020
Thirreni zotëri Janari. Në fillim të vitit 2020, Juve pagoi 35 milionë + 9 bonuse te Atalanta, me lojtarin që përfundonte sezonin te Parma (ku ishte i huazuar) dhe më pas veshi fanellën bardh e zi në mënyrë të palavdishme. nga korriku 2020 në janar 2022.
Zlatan Ibrahimovic
Nga Los Angeles Galaxy në Milan
Janar 2020
Goditja që ndez një shesh, gati 10 vjet pas aventurës së tij të parë me kuqezinjtë, ku fitoi Scudetton. Dhe ku e fiton sërish në sezonin 2021-22, edhe pse jo si protagonist absolut. Sot ai është kthyer në rolin e Këshilltarit të Lartë të pronarëve të Milanit. /Telegrafi/
