Lucas Moura pritet të largohet nga Paris Saint-Germain këtë verë, ndërsa destinacioni i tij i radhës pritet të jetë Liga Premier.
Anësori sulmues brazilian ka vite që shkëlqen te gjiganti francez, por ardhja e Neymarit, dhe me emra tjerë në skuadër si Angel Di Maria dhe Julian Draxler ka bërë që konkurrenca të jetë e madhe dhe Moura të bëhet njëri nga ata që mund të largohet.
Këtë situatë të Mouras po mendojnë ta shfrytëzojnë skuadrat nga Anglia dhe Italia, të cilat shpresojnë ta transferojnë atë.
Sipas pretendimeve të UOL, Arsenali po e udhëheq betejën për të nënshkruar me Lucas Moura, të cilin PSG po kërkon ta shesë gjatë këtij afati kalimtar.
Arsenali tashmë ka pasur një ofertë të refuzuar për 24-vjeçarin brazilian, por PSG do të ishte gati të shiste për rreth 30 milionë euro. /Telegrafi/