Nëse keni menduar se në vitin 2015, ku hovi i zhvillimit të teknologjisë është i madh, e që kjo do të ndalonte gabimet në fotografitë e yjeve të mëdha botërore, atëherë ju themi se jeni shumë gabim.
Telegrafi ka arritur që t’i sjellë në një listë disa prej gabimeve më të përfolura që kanë ndodhur pas përpunimit të fotografive të yjeve botërore.
Më poshtë gjeni disa prej anomalive më të përfolura më “Photoshop” për vitin që lamë pas.
1. Largimi i vijës nga të pasmet prej Victoria’s Secret
Në tetor të këtij viti Victoria’s Secret ka pasur probleme të mëdha me publikun kur u zbulua një fotografi skandaloze e largimit të një vije normale që formohet në të pasmet e femrave. Në internet kjo është pritur keq dhe me komente prej më të ndyra për agjencinë më të famshme të modës.
2. Calvin Klein “ndërton” trupin muksuloz të Justin Bieber
Fansat e Justin Bieber mirëpritën dhe madje u çmendën nga fotosesioni i idhullit të tyre për kompaninë Calvin Klein, që e pa këngëtarin të zhveshur në pjesën lart. Por, një foto që ka rrjedhur në internet tregon se si ata që punuan këtë reklamë ia “ndërtuan” trupin muskuloz, për ta bërë atë më të madh e më të definuar. Menaxhmenti i Bieber e mohoi këtë anomali.
3. Kim Kardashian zihet me “Photoshop” edhe në jetën e parditshme
Dikush nga ekipi i menaxhmentit të Kim Kardashian publikoi pa leje një foto të pa prekur të Kim dhe Kanye West nga festa e ditëlindjes së Kendall Jenner, duke zbuluar se asnjë fotografi e Kim nuk publikohet pa pak magji të Photoshopit.
4. Moschino fshinë komplet këmbën e një modele
Në janar të këtij viti, brendi luksoz i veshjeve e lansoi kampanjën e vitit 2015 dhe i la të gjithë adhuruesit me gojë të hapur për atë që i ndodhi modeles Sasha Luss (në mes) këmba e majtë e të cilës mungoi.
5. GUESS e bën të “turbullt” gishtin e këmbës së Gigi Hadid
Fotografia e Gigi Hadid që po e shihni nuk ka lënë pa u dalluar nga ekspertët e fushës. Shikoni këmbën e saj të djathtë dhe gishtat e po kësaj këmbe e konkludoni se çka po mungon.
6. Jeb Bush me dorë të zezë në mënyrë “magjike”
As kandidatët për president nuk janë të sigurt. Jeb Bush dërgoi një broshurë te mbi 85 mijë votues në shtetin e Iowas. Por, dora e majtë e tij shihet të jetë e zezë në këtë borshurë promocionale.
7. Ariana Grandes i bëhet dora më e madhe
Ariana Grande duket e përkryer në kopertinën e “singlit” të saj më të ri, “Fokus”. Por, diçka nuk ka shkuar mirë me dorën e saj të djathtë.
9. Lindsay Lohan rrit të pasmet
Aktorja e njohur ka tentuar që të kthejë motivimin e saj me këtë fotografi, por ndjekësit e saj shpejtë e kanë vërejtur, duke e akuzuar për rritje të të pasmeve.
/Telegrafi/