Manchester United janë vënë seriozisht në kërkim të një mesfushori me peshë për afatin kalimtar veror.
Largimi i Paul Pogbas, duket në horizont, dhe marrëdhëniet me trajnerin Jose Mourinho, duken gjithmonë më të këqija.
Në krye të listës është Toni Kroos i Real Madridit, i cili pëlqehet tej mase nga Mourinho.
Por duket që mbretërit nuk do ta lirojnë lojtarin.
Sipas Independent, Mourinho ka një listë me emra nëse Kroos dështon.
Jorginho i Napolit, Fred i Shakhtar Donetsk, Julian Weigl i Borussia Dortmund’ dhe Carlos Soler i Valencias, janë lojtarët që mund të zbarkojnë në ‘Old Trafford’.
Secili nga ta do ta forconte padyshim skuadrën e Mourinhos.
Manchester United me gjasë do ta mbyll sezonin në tri vendet e para, por që duhen ende fitore deri në fund. /Telegrafi/