Tifozi i kërkon Laportas transferimin e Nico Williams, presidenti i katalunasve i përgjigjet menjëherë

Nico Williams është objektivi kryesor i Barcelonës për afatin kalimtar veror.

Katalunasit janë duke bërë përpjekje të mëdha për të nënshkruar me sulmuesin spanjoll i cili është objektivi kryesor i tyre.

Se Nico Williams është dëshira kryesore e Barcelonës kjo nuk është më një sekret dhe për këtë ka folur edhe Joan Laporta.

Lexo po ashtu Nënshkrimi i parë i Barcelonës këtë verë mund të zyrtarizohet javën e ardhshme

“A do të nënshkruajmë me Nico Williams?”, kjo ishte pyetja e një tifozi të Barcelonës me ta parë presidentin Joan Laporta duke vozitur makinën e tij.

“Ne do të përpiqemi”, ishte përgjigja e Laportas duke gëzuar tifozin e Barcelonës.

Barcelona thuhet se ka prioritet nënshkrimin e Nico Williams sa më shpejt të jetë e mundur.

Lexo po ashtu Williams triumfoi në Euro 2024 me Spanjën, por medaljen ia dha nënës së tij - lojtari tregon historinë emocionuese prapa gjestit të tij

Ata aktualisht janë duke avancuar në negociatat me lojtarin. Nëse gjithçka shkon mirë, klubi do të dalë me një ofertë prej rreth 60 milionë euro për anësorin yll.

Nico ishte fantastik edhe në Euro 2024 duke qenë ndër lojtarët kryesorë të Spanjës, derisa ai ka refuzuar klubet angleze duke pritur Barcelonën. /Telegrafi/