Tifozët mendojnë se Robert Lewandowski ishte fyer nga Didier Drogba gjatë fjalimit të tij në ceremoninë e Topit të Artë.
Polaku përfundoi në vendin e katërt në renditjen e Topit të Artë, vetëm pas fituesit Karim Benzema, Sadio Mane dhe Kevin De Bruyne.
Por, ylli i Barcelonës mori trofeun e sapokrijuar “Gerd Muller”, i cili shkon te golashënuesi më i mirë i sezonit duke kombinuar golat për klubin dhe vendin.
Ai e mbylli vitin kalendarik me 69 gola – 58 për Bayern Munich dhe 11 për Poloninë.
Dhe gjatë fjalimit të tij, Drogba iu referua formës së jashtëzakonshme të golave të Erling Haaland në Manchester City.
“E dini, ky fëmijë… ai është në zjarr, miku im”, deklaroi ai ndërsa Lewandowski ishte në skenë.
Kamera iu drejtua bashkëlojtarit të Haalandit, Kevin De Bruyne dhe Benzemas, të cilët të dy e shikonin me turp.
Reprezentuesi polak u duk se belbëzoi përpara se të përgjigjej: “Sezoni është shumë i gjatë”.
Komenti i Drogbas për Haalandin nuk shkoi mirë në mediat sociale pasi fansat besojnë se legjenda e Chelseat shpërfilli Lewandowskin.
Një përdorues i Twitter shkroi: “Kjo është kaq e turpshme, imagjinoni të jeni të ftuar në një ngjarje për një çmim dhe duhet të flisni për një lojtar tjetër”.
Një i dytë shkroi në Twitter: “Kjo ishte kaq mosrespektuese”.
Një i tretë shtoi: “Çdo vit Lewa nuk respektohet”.
Një tjetër komentoi: “Reagimi i De Bruynes i thotë të gjitha”.
Lewandowski vazhdoi fjalimin e tij pas pretendimit të Drogbas, duke shpjeguar se sa i lumtur është te Barcelona. /Telegrafi/
Big boy Drogba interrupting Lewandowski during his speech to praise Haaland is insane levels. Lewa face says it all. There’s a new kid on the block and he’s taking ALL the plaudits. pic.twitter.com/WQtqC243gE
— DSK (@0161Darren) October 18, 2022