Tifozët e Manchester United kanë sulmuar Harry Maguiren dhe kanë vënë në pikëpyetje kredencialet e kapitenit, pasi ai ka pëlqyer një postim në Instagram rreth zemërimit të Cristiano Ronaldos për uljen e pagave prej 25 për qind të lojtarëve.
Tashmë kishte pasur thirrje që mbrojtësi i Anglisë të humbiste shiritin në Old Trafford pas një sezoni të vështirë, dhe ato thirrje tani janë shtuar pas gabimit të tij të dukshëm në mediat sociale.
SportBible postoi një foto të Ronaldos, së bashku me një mbishkrim duke shpjeguar se ai “raportohet së është i mërzitur me uljen e pagave prej 25 për qind për lojtarët e Manchester United pas dështimit të tyre për t’u kualifikuar në Ligën e Kampionëve sezonin e ardhshëm”.
Postimi është pëlqyer nga llogaria zyrtare e Maguire, duke shkaktuar zemërim të madh nga tifozët e United për vendimin e tij për të reaguar publikisht për një çështje prapaskenash.
Një tifoz shkroi: “Harry Maguire nuk duhet të luajë një lojë më shumë për Manchester United”, ndërsa një tjetër shtoi: “Një kapiteni palaço”, përpara se të etiketonte vetë lojtarin.
Një mbështetës tjetër po aq i zemëruar shtoi: “Harry Maguire është lehtësisht lojtari më i keq për kapiten të Manchester United. Mishëron standardet e tmerrshme në klub”.
Ndërsa një tjetër vuri në dukje: ‘Harry Maguire që pëlqen postime si këto është ajo që ju e quani sjellje joprofesionale. Ai nuk është aspak i përshtatshëm për të qenë kapiten i Manchester United!”.
Ky incident i fundit është vetëm i fundit për trajnerin e ri Erik ten Hag për t’u përballur pas kthimit të United në stërvitjet parasezonale.
Java tashmë ka qenë e dominuar nga mungesa e Ronaldos, i cili ka refuzuar të kthehet në Carrington teksa kërkon të bëjë një largim gjatë verës. /Telegrafi/
