Tifozët e Interit u tallen me Piolin dhe Milanin në fund të derbit

Tifozët e Interit u tallën mbrëmë me Milanin dhe trajnerin e tyre Stefano Pioli me shumë brohoritje, duke përfshirë “Pioli është në flakë”.

Nerazzurrët janë kualifikuar në finalen e Kupës së Italisë pas fitores 3-0 ndaj rivalëve të tyre të qytetit mbrëmë.

Dy gola nga Lautaro Martinez dhe një nga Robin Gosens i lejuan djemtë e Simone Inzaghit të fitonin Derbin e tyre të parë të della Madonnina këtë sezon, ndoshta më të rëndësishmin.

Lexo po ashtu Inzaghi nuk e përsërit dy herë ‘gabimin’ e rrëzimit – bëhet viral momenti kur mbahet duke zbritur shkallët

Atmosfera gumëzhinte në Stadio Giuseppe Meazza mbrëmjen e djeshme, me ultrasit e të dyja skuadrave që kryenin koreografi spektakolare para fillimit.

Megjithatë, Interi ka qeshur i fundit dhe tifozët e tyre kanë shijuar fitoren me brohoritje për lojtarët e tyre dhe sigurisht kundër rivalëve të qytetit.

Midis tyre, tifozët e Interit kënduan :”Pioli is on fire” apo “Pioli është në flakë”, një këngë që kuqezinjtë e performojnë zakonisht në melodinë e “Freed from desire” nga këngëtarja italiane e popit, Gala.

Ultrasit e Nerazzurrëve kënduan gjithashtu këngën klasike “Tornerete në Serie B” (Do të ktheheni në Serie B), kur afrohej përfundimi i ndeshjes. /Telegrafi/