Me urdhrin e presidentit Vladimir Putin, ushtria ruse kishte filluar pushtimin e Ukrainës me 24 shkurt – duke menduar se do të arrijnë ta marrin plotësisht nën kontroll për tri ditë.
Një gjë e tillë lëre që nuk ndodhi, por rusët tani po tërhiqen nga shumë rajone që i mbanin nën kontroll nga fillimi i luftës, transmeton Telegrafi.
Në fillim përmes televizioneve propaganduese që kontrollohen nga Kremlini, mundoheshin ta paraqisnin luftën si fitore të Moskës, e me kalimin e kohës kjo retorikë filloi paksa të zbutet.
Megjithatë nuk e pranon publikisht se forcat ruse po pësojnë humbje të mëdha, duke u dëshmuar se Kievi është “arrë e fortë” për ushtrinë e Putinit.
E tani të njëjta mediat pothuajse në mënyrë indirekte, po e pranojnë se janë duke pësuar debakël pothuajse në çdo rajon të Ukrainës, ku forcat ruse po pësojnë humbje si në makineri luftarake ashtu dhe në njerëz.
Në një debat televiziv në televizionin publik që kontrollohet nga Kremlini, panelistët cituan një snajperist rus që operon në Ukrainë nga fillimi i luftës, i cili u ka thënë haptazi se nuk ka avancim.
“Ne jemi duke avancuar vetëm tre centimetra në ditë”, tha njëri prej panelistëve të ftuar në debatin televiziv. /Telegrafi/
"We are advancing 3 centimeters a day"
Skabeeva became kind of sad.
What happened? Where did all the enthusiasm about "taking Kyiv in 3 days" and "liberating Ukraine from the Nazis" disappear? pic.twitter.com/UMPsKec6DW
— NEXTA (@nexta_tv) November 8, 2022