Reperi ‘The Game’ është arrestuar të hënën, pasi kishte grushtuar një lojtar në një ndeshje të basketbollit.
Për më keq, personi i grushtuar doli të jetë një polic i Los Angelesit, transmeton koha.net.
Incidenti kishte ndodhur në një sallë në shkollën e mesme “Hollywood” më 29 mars.
The Game, emri i vërtetë i të cilit është Jayceon Terrel Taylor, u arrestua të hënën dhe u dënua nën dyshimin për kërcënim, ka thënë një zyrtar.
Reperi pagoi 50 mijë dollarë dorëzani dhe u lirua. Policia nuk tregoi përse zgjati një muaj deri në arrestimin e këngëtarit.
‘The Game’ u bë i famshëm në vitin 2005 me albumin “The Documentary”, ndërsa që nga ajo kohë, ai ka lansuar disa albume tjera. /Telegrafi/