Janë zhvilluar më pak se 10 ndeshje në kampionatet më të forta në Evropë.
Fillim i kampionatit me fitore dhe lojë të mirë.
Këtë e kanë bërë tetë skuadra në Evropë, që po tregojnë rritje dhe po llogariten si pretendent për titull.
8.PSG
Kur ke një skuadër siç ka Paris Saint-Germain, dhe luan me skuadra si Metz, Dijon dhe Strasbourg, nuk është befasi nëse je i pamposhtur.
Djelmoshat e Unai Emery kanë vetëm një barazim me Montpellier 0-0.
7.Barcelona
Edhe pse e kanë humbur Neymarin që kaloi te Paris SG, Barcelona është treguar e frikshme në këtë fillim të La Ligas.
Shtatë fitore dhe një barazim me 24 gola të shënuar është bilanci i balugranave.
6.Manchester City
Kur është puna për të shënuar gola, mendja të shkon te Man City që kanë gjetur portën plot 29 herë.
Nëse vazhdojë me këtë seri ata do ta thyejnë edhe rekordin e Chelseat që brenda një viti kishin shënuar 103 gola.
5.Manchester United
Edhe Manchester United ka vetëm dy barazime deri më tani.
Djelmoshat e Jose Mourinhos po shihen me një sy tjetër këtë edicion.
4.Atletico Madrid
Klubi ka arritur ta ruaj një lojtarë si Antoine Griezmann, që shihet si lider.
Klubi edhe pse nuk ka blerë lojtarë në verë, mbetet kockë e fortë për çdo kundërshtar.
3.Inter
Interi në ndeshjen e fundit e mposhti Milanin me rezultat 3-2 në një ndeshje të fortë. Mauro Icardi shënoi het-trik dhje po e mban klubi në valle për titull.
Djelmoshat e Luciano Spallettit kanë fituar të gjitha ndeshjet, ndërsa kanë vetëm një barazim.
2.Valencia
Ka ikur koha kur Valencia humbte 8-0 ndaj Barcelonës. Këtë sezon nën inspirimin e Simeone Zazas, klubi është kthyer në ditët e shkëlqimit.
Pesë fitore dhe tri barazimi, përfshirë edhe atë me Real Madrid 2-2 dhe me Atletico Madridin, 0-0.
1.Napoli
E vetmja skuadër në Evropë që ka bilance të shkëlqyer. Napoli është duke e udhëhequr Serien A, dhe po shihet si favorit për titull.
Në Napoli ëndërrojnë që këtë vit mund të vije titulli që mungon që nga vitit 1990. /Telegrafi/
