Policia e Kosovës ka raportuar për një tentim vrasje që ka ndodhur mbrëmjen e së mërkurës në Lipjan.
Sipas raportit 24 orësh, policia kishte dal në vendin e ngjarjes pasi kishte marrë informacione për të shtëna me armë zjarri.
“Lipjan 14.07.2021 – 21:57. Është raportuar për të shtëna me armë zjarri, njësitë relevante policore kanë dalur në vendin e ngjarjes ku kanë takuar dy ankuesit/viktimat meshkuj kosovarë punëtor të sigurimit në një kompanie të cilët kanë deklaruar se nga persona deri më tani të pa njohur është shtënë me armë zjarri në drejtim të tyre”.
Tutje sqarohet se, “Nga njësitë policore janë gjetur dhe sekuestruar për procedura të mëtutjeshme hetimore disa gëzhoja. Nuk raportohet për të lënduar”.
“Në lidhje me rastin është konsultuar prokurori i shtetit dhe rasti vazhdon të hetohet”, thuhet në raport. /Telegrafi/