Të shtëna me armë zjarri ka pasur ditën e enjte në Pejë, ku për pasojë një person është lënduar.
Policia njofton se një person derisa ishte me motoçikletë ka gjuajtur me armë zjarri në drejtim të një veture, transmeton Telegrafi.
“Pas pranimit të informatës për disa të shtëna me armë zjarri njësiti policor në afërsi të vendit të ngjarjes ka takuar një veturë në të cilën ishin dy viktimat meshkuj kosovarë të cilët kanë deklaruar se në drejtim të tyre nga një motoçikletë në lëvizje, nga dy persona të panjohur është shtënë disa herë me armë zjarri”, thuhet në njoftim.
Policia në vendin e ngjarjes ka gjetur dhe konfiskuar 5 gëzhoja dhe në veturë të viktimave ka vërejtur 4 vrima që dyshohet se janë si pasojë e predhës së fishekut.
“Njëri nga viktimat ka pësuar lëndim të lehtë”, bëhet e ditur nga policia.
Lidhur me rastin pas konsultimit të prokurorit rasti iniciohet dhe i njëjti trajtohet nga njësitë kompetente policore./Telegrafi/