Tre persona kanë raportuar se një person në një distancë rreth 150 metra ka shtënë disa herë me armë zjarri, kjo si pasojë e një mosmarrëveshje mes tyre.
Në raportin 24 orësh të Policisë së Kosovës bëhet e ditur se rasti ka ndodhur të hënën rreth orës 13:53, në Ferizaj.
Tutje bëhet e ditur se në konsultim me prokurorin është bastisur shtëpia e të dyshuarit me ç’rast është gjetur e konfiskuar një armë zjarri (revole me gaz) e cila dyshohet të jetë përdorur në rast.
“Tre ankues meshkuj kosovar kanë raportuar se pas një mosmarrëveshje me të dyshuarin mashkull kosovar, i njëjti në një distancë rreth 150 metrave ka shtënë disa herë me armë zjarri. Në konsultim me prokurorin, është bastisur shtëpia e të dyshuarit me ç’rast është gjetur dhe konfiskuar një armë zjarri Revole me gas e cila dyshohet të jetë përdorur në rast”, thuhet në raport.
Ndërkaq, siç bëhet e ditur në raport i dyshuari gjendet në arrati. Rasti është duke u hetuar. /Telegrafi/