Te Real Madridi janë të bindur se do ta fitojnë garën për t’i siguruar shërbimet e Jude Bellingham.
Lajmin e ka bërë të ditur tabloidi anglez, The Independent, sipas të cilit përfaqësuesit e Los Blancosn besojnë se do të triumfojnë ndaj klubeve tjera për yllin e Borussia Dortmundit.
Liverpooli është ndër klubet më të interesuara për mesfushorin, i cili pritet të largohet nga BVB në afatin kalimtar veror.
Redsat e kanë udhëhequr garën për nënshkrimin e 19-vjeçarit, por tash thuhet se kanë mbetur prapa.
Sidomos kur në garë është përfshirë kampioni i La Ligas dhe fituesi i Ligës së Kampionëve, Real Madrid, që i dëshiron shërbimet e futbollistit anglez për sezonin e ardhshëm. /Telegrafi/