Të gjitha grupet e Euro 2020 – Grupi F cilësohet si i ‘vdekjes’

Është hedhur tashmë shorti për grupet e Euro 2020 në ROMEXPO të Bukureshtit në Rumani.

Hedhja e shortit për grupet e vlefshme të Kampionatit Evropian në Bukuresht të Rumanisë ka filluar në ora 18:00 dhe tashmë dihet fati i kombëtareve.

Kombëtaret e mëdha evropiane që kanë siguruar kualifikimin, por edhe ato që janë në pritje kanë mësuar tashmë fatin e tyre.

Lexo po ashtu Hidhet shorti për grupet e Euro 2020, Kosova mëson fatin e saj nëse arrin kualifikimin

Grupi A ka një përbërje të përzier kombëtaresh si Turqia, Italia, Uellsi dhe Zvicra.

Grupi B përbëhet nga Belgjika si favorite dhe Danimarka, Finlanda dhe Rusia.

Grupi C është grupi ku mund të gjendet Përfaqësuesja e Kosovës nëse arrin kualifikimin nga Liga e Kombeve.

Në këtë grup gjenden Holanda, Ukraina dhe Austria.

Grupi D është grup interesant që përbëhet nga Anglia, Kroacia, Republika Çeke dhe fituesi i Ligës C të Kombeve.

Kualifikimin nga “Play-Off” e kërkojnë Norvegjia, Serbia, Izraeli dhe Skocia.

Grupi E do të përbëhet nga Kombëtarja e Spanjës, ajo e Suedisë, Polonisë dhe fituesi i Ligës B të Kombeve.

Kualifikimin nga “Play-Off” kërkojnë Sllovakia, Irlanda, Bosnje Hercegovina dhe Irlanda Veriore.

Grupi F është grupi i vdekjes. Aty do të luajnë Portugalia, Franca, Gjermania dhe fituesi i Ligës A të Kombeve.

Kualifikimin nga “Play-Off”e kërkojnë Bulgaria, Hungaria, Islanda dhe Rumania.

Kampionati Evropian i vitit 2020 do të mbahet në 13 shtete të ndryshme. /Telegrafi/