Përpos të yjeve ndërkombëtare, edhe artistët shqiptarë kanë pasur rastin të urojnë Joe Biden për fitoren e tij në zgjedhje.
Biden arriti që të bëhet presidenti i 46-të me radhë i Shteteve të Bashkuara të Amerikës.
Kështu, të famshmit e estradës shqiptare përmes rrjeteve sociale patën rastin që të urojnë fitoren e tij.
Fjolla Morina është njëra prej tyre, që në Instagram ndau një imazh me mbishkrim: “Urime president Biden”.
Rep-artisti Stresi po ashtu ripostoi fotografinë nga CNN, ku Joe urohej për fitoren.
Në mesin e të gjithë këtyre ishte edhe Leonora Jakupi, e cila ndau një fjalim të Biden ku fliste për shqiptarët.
“Faleminderit Zot” ishte mbishkrimi i këngëtares dhe modeles, Morena Taraku në rrjetin social Instagram.
Një një fotografi ku Joe shihet me disa fëmijë duke mbajtur flamuj të Amerikës, u postua edhe në profilin e rep-artistit Capital T.
Po ashtu, Loredana pati rastin të ndajë një imazh të Presidentit, ku shihej ta ketë mbushur me zemra me ngjyrë të kaltër.
Përveç këtyre emrave të njohur, në profilet edhe të tjerve emra zuri vend imazhi i Joe Biden. /Telegrafi/