Kush e ka provuar të bie në peshë, e di fort mirë se ky është një “sport i vështirë”.
Orë të tëra pa ngrënë, palestër me ushtrime të mundimshme e edhe kur vjen koha e ushqimit, duhet të hash gjëra që s’ti ka ëndja të pakta në kalori e karbohidrate.
Por të kesh një trup fit dhe shëndet të mirë është pasuri dhe me të vërtetë të bën më të lumtur me veten.
Me të vërtetë një jetë kemi e do ishte e drejtë të na lejohej të hamë çfarë të duam, por ja që nuk mund t’i kesh të gjitha.
Në vazhdim, Prive sjellë disa nga të famshmit shqiptarë që kur debutuan në skenë kishin kilogramë të tepërt, por që tani ata janë persona inspirues e shembuj për tu ndjekur se si mund ta ndryshosh jetën me vendosmëri e përkushtim:
Nuk ka asnjë dyshim që listën e kryeson Lindita Halimi. E pabesueshme forca e saj për tu shndërruar në këtë mënyrë.
Rona Nishliu, është ndër këngëtaret që fillimisht kishte probleme me mbipeshën, por që ia doli të vijë në formë për një kohë të shkurtër.
Nishliu pasohet nga Teuta Kurti, e cila po ashtu ka humbur drastikisht peshë për skenën.
Vedat Ademi po ashtu bën pjesë në këtë mes, pasi nga një trup me kilogramë të tepërt, është transformuar në një burrë muskulor.
Big Mama. Ajo së fundmi ka bërë një operacion gastrik në Turqi, që i ndihmoi të vijë në formë për shumë pak kohë.
