Xhiroja e 11-të në Superligën e Kosovës në futboll vazhdon edhe të enjten me dy ndeshje në orar, të cilat fillojnë nga ora 13:30.
Në stadiumin “Rexhep Rexhepi” në Drenas, Feronikeli është nikoqir i Ballkanit. Skuadra nikoqire ka arkëtuar 11 pikë nga dhjetë xhirot e para dhe pozicionohet në vend të shtatë në tabelë.
Lideri i Superligës ndodhet tri pikë para Dritës (që ndodhet dy xhiro prapa) ashtu që nuk guxon të gabojë për ta mbajtur diferencën.
Në takimin tjetër, Gjilani është nikoqir i Llapit në Stadiumin e Qytetit. Vendasit ndodhen në vend të tretë në tabelë me 17 pikë të arkëtuara nga dhjetë ndeshje.
Llapi i ka zhvilluar nëntë xhiro dhe ka marrë vetëm pesë pikë, ndërsa pozicionohet në fund të tabelës. /Telegrafi/