Reperja Tayna ka prezantuar për fansat projektin e saj më të ri muzikor.
“Sicko” titullohet kënga e saj e re, e cila është hip-hop nën ritmet e RnB.
Muzika është punuar nga producenti Cricket, gjersa për vargjet e tekstit është kujdesur vet Tayna, ashtu si në çdo këngë tjetër të saj.
Kënga është publikuar edhe me klip, xhirimet e të cilit i janë besuar produksionit kosovar, Imagine Films.
Edhe në këtë video muzikore, Tayna erdhi me një paraqitje mjaft provokuese dhe ‘të nxehtë’, duke rrëmbyer vëmendjen me linjat e saj atraktive trupore.
Ky projekt muzikor i pason këngës “Bye Bye”, të cilën ajo e solli gjatë verës në bashkëpunim me Dafina Zeqirin, dhe u prit jashtëzakonisht mirë nga publiku. /Telegrafi/
