Reperja Tayna ishte pa dyshim një ndër senzacionet e verës që lam pas.
Hitet “Columbiana” dhe “Shqipe” e bënë atë shumë të njohur në tregun muzikor shqiptar.
Ajo tani ka shumë fansa edhe në rrjetet sociale, në të cilat është çdo ditë aktive dhe ndan me ta fotografi të ndryshme nga jeta e saj.
Së fundmi, Tayna publikoi në Instagram një fotografi ku shfaqej mjaft atraktive e veshur me një bluzë të bardhë dhe të gjatë.
Në këtë bluzë, ajo kishte të stampuar portretin e të madhes Nexhmije Pagarusha, këngëtarja e cila është pagëzuar me epitetin “Bilbili i Kosovës”.
“Zbuloni legjendën, mbretëreshën Nexhmije”, ka shkruar reperja në mbishkrimin e fotografisë.
Mesa duket, si shumë artistë të tjerë shqiptarë, edhe për Taynën, legjenda e muzikës, Nexhmije Pagarusha, ka shërbyer si inspirim për të. /Telegrafi/