Rap-artistja e njohur shqiptare, Tayna, ka bërë një ndryshim në dukje.
Artistja, e ndjekur nga mbi 1.5 milion njerëz në Instagram, ka prezantuar së fundmi me fansat transformimin e ri.
Përmes disa postimeve që ka shpërndarë në InstaStory, Doruntina Shala (emri i vërtetë) tregon se ka bërë flokët ngjyrë portokalli.
Krijuesja e hitit “Columbiana” deri më tani ka provuar një sërë ngjyrash në flokë dhe duket se i shkon gjithçka.
Krahas kësaj, ajo po vazhdon të jetë mjaft aktive dhe e angazhuar në skenën muzikore shqiptare.
26-vjeçarja nga Prizreni vetëm dy javë më parë solli këngën e re të quajtur “Teket”.
Projekti për pak ditë ka kaluar shifrën e tetë milionë klikimeve në platformën YouTube. /Telegrafi/
