Taylor Swift interpretoi për dy orë në shi, fansat të gëzuar me vendimin e saj

Këngëtarja e njohur, Taylor Swift, ka dhënë një performancë në shi në qytetin e Nashville në SHBA dhe kështu i ka gëzuar edhe më shumë fansat e pranishëm.

Performanca e saj e mbrëmshme (e hënë) ishte shtyrë për disa orë nga koha e planifikuar për shkak të rrezikut për goditje të rrufesë në qendër të qytetit. Pasi koncerti filloi përfundimisht pas orës 22:00, pjesa e dytë u shoqërua nga reshje të dendura shiu.

Duke qenë se ishte një hapësirë e hapur, 70.000 fansa mbetën duke pritur performancën e saj, ndërsa Swift nuk donte të hiqte dorë nga interpretimi, kështu që performoi në shi për gati dy orë.

“Kjo është diçka që ne të gjithë e bëjmë së bashku. Është si një përvojë lidhjeje. Të gjithë do të largohemi nga këtu sonte duke u dukur sikur kemi kaluar nëpër një autolarje. Njerëzit do t’ju pyesin se ku keni qenë dhe ju do të thoni se ishit në ‘Eras Tour’. Jemi të gjithë të lagur si lundërza”, ka thënë këngëtarja në mes të koncertit.

Lexo po ashtu Taylor Swift përjeton një mosfunksionim të veshjes në skenë, gjersa këngëtarët mbështetës e ndihmojnë atë të zgjidhë problemin

https://twitter.com/celestialswiftt/status/1655864749446365184

Vendimi i saj për të vazhduar koncertin ndërkohë që binte shi, i gëzoi njerëzit në mbarë botën dhe pamjet nga performanca mblodhën shikime dhe reagime të shumta. /Telegrafi/