Valon Berisha është bërë ndër lojtarët më të përfolur në Serie A.
Fillimisht u flit se mesfushori nga Kosova do t’i bashkohet klubit italian Sampdoria.
Por pasi u arrit marrëveshja mes klubeve ka qenë reprezentuesi kosovar që ka refuzuar kalimin te klubi bardh e kaltër.
Berisha përsëri ka një ofertë të mirë nga një tjetër skuadër italiane.
Fjala është për Lazion ku drejtor sportiv është Igli Tare.
Sipas medieve italiane Tare ka arritur marrëveshje me Red Bull Salzburg për transferimin e Berishës.
Ky transferim pritet t’i kushtojë Lazios shtatë milionë euro plus një tjetër në formë bonusesh.
Tani pritet vetëm të arrihet marrëveshja me agjentët e lojtarit rreth pagës së tij.
Kujtojmë që Berisha luajti në Ligën e Evropës ndaj Lazios ku arriti të shënoj një gol në Olimpico.
Interesim për mesfushorin nga Kosova kanë shprehur edhe dy skuadrat angleze, Fulham dhe Newcastle. /Telegrafi/