Ushtruesja e detyrës së presidentes Vjosa Osmani do të takohet nesër me emisarin e Bashkimit Evropian për dialogun Kosovë-Serbi, Mirosllav Lajçak.
Takimi mbahet në kabinetin e Presidentes në orën 08:00. Pas takimit, do të mbahet një konferencë për media në hollin e Kuvendit të Kosovës.
Diplomati sllovak ndodhet për vizitë treditore në Kosovë, gjatë së cilës sot është takuar me kryetarin e Lëvizjes Vetëvendosje Albin Kurti. /Telegrafi/