Drejtuesit e Juventusit së shpejti do të takohen me Manchester Cityn për të diskutuar një marrëveshje të mundshme huazimi për Kalvin Phillips, por Bianconerët mund të shesin gjithashtu Matias Soule dhe Kenan Yildiz për të financuar një nënshkrim me të madh në mesfushë.
Juventusi pritet të marrë përforcimin e mesfushorit në afatin kalimtar të janarit për të zëvendësuar Paul Pogba dhe Nicolo Fagioli të pezulluar.
Drejtori i Bianconerëve, Giovanni Manna, konfirmoi të hënën se klubi po ‘vlerëson mundësitë’ dhe sipas disa burimeve në Itali, mesfushori i Cityt dhe Anglisë, Phillips është mes lojtarëve të monitoruar nga Zonja e Vjetër.
Sipas La Gazzetta dello Sport, drejtuesit e Juventusit së shpejti do të takohen me Manchester Cityn për të diskutuar një huazim të mundshëm për 28-vjeçarin që dëshiron më shumë kohë loje përpara Euro 2024.
🚨#Juventus: summit col #ManchesterCity per #Phillips.
Per #Koopmeiners serve vendere.[Gazzetta dello sport] pic.twitter.com/MrLhGLd3gg
— Juventus Top News (@JuventusTopNews) December 12, 2023
Juventusi po planifikon të marrë Phillips në një transferim të përkohshëm, por ata kanë nevojë që kampionët e Ligës Premier të paguajnë një pjesë të pagës së mesfushorit deri në fund të sezonit.
Ka një rrugë tjetër që Juventusi mund të ndjekë, e cila, megjithatë, kërkon shitjen e dy lojtarëve premtues: Soule dhe Yildiz. Sulmuesi argjentinas është i huazuar te Frosinone, ku ka shënuar gjashtë gola në 13 paraqitje në Serie A këtë sezon, ndërsa turku po lufton për kohë loje dhe thuhet se është ‘i frustruar’ në Juve.
Nëse Juventusi arrin të shesë dyshen për të paktën 40 milionë euro në janar, ata do të kishin para të mjaftueshme për të nënshkruar objektivin e tyre kryesor në mesfushë, Teun Koopmeiners të Atalantas. Holandezi është një “objektiv ambicioz, por i ndërlikuar” për janarin.
Emra të tjerë në agjendën e Bianconerëve përfshijnë Manu Kone i Borussia Monchengladbach, Pierre-Emile Hojbjerg i Tottenhamit dhe Heorhiy Sudakov nga Shakhtar Donetsk. Ky i fundit është një profil pak më ndryshe, pasi mund të luaj edhe si mesfushor sulmues ose si sulmues anësor. /Telegrafi/