Këngëtarja shqiptare me famë ndërkombëtare, Rita Ora, ka festuar ditëlindjen e 33-të ditën e djeshme (26 nëntor).
Ajo këtë përvjetor të lindjes e kremtoi më ndryshe, pasi së bashku me familjen erdhën në Kosovë.
Bukuroshja ishte e shoqëruar nga bashkëshorti i saj, regjisori Taika Waititi, babai Besnik Sahatçiu si dhe nga motra, Elena.
Biondes iu organizua një festë me të mbërritur në aeroport, e më pas edhe u prit nga kryeministri Albin Kurti.
Taika po ashtu u shpreh i lumtur që erdhi në vendlindjen e bashkëshortes, duke shtuar se ndihet sikurse në shtëpinë e tij.
Natyrisht një urim për ditëlindje nuk mund të mungonte edhe nga partneri, pavarësisht se u bë pak vonë.
Taika ndau disa momente të lumtura të tyre së bashku, bashkangjitur dhe një dedikim.
“Urime ditëlindjen për personin më qesharak, më të mirë dhe më të ëmbël Rita Ora. Gruaja ime, jeta ime”, tha ai.
Rita dhe Taika theksojmë se u martuan në një ceremoni të vogël në vitin 2022. /Telegrafi/
