Një superkompjuter ka parashikuar që Manchester City do ta mposht në garë Liverpoolin për të fituar titullin e Ligës Premier këtë sezon.
Pas një fillimi të ngadaltë, skuadra e Pep Guardiolas ka gjetur formën e tyre dhe pas një serie të frikshme fitoresh radhazi, ata janë në krye të tabelës me një lojë më pak pas 19 ndeshjeve të luajtura deri më tani.
Faqja e njohur për grumbullimin e të dhënave FiveThirtyEight, beson se City do të fitojë trofeun e të tretë të Ligës Premier në pesë sezone nën urdhrat e Guardiolas.
Në lidhje me mënyrën se si ata i punojnë rezultatet e tyre, sipas faqes së tyre zyrtare, “çdo skuadër ka një vlerësim ofensiv që përfaqëson numrin e golave që pritet të shënojë kundër një ekipi mesatar në një fushë neutrale, dhe një vlerësim mbrojtës që përfaqëson numri i golave që pritet të pësojë”.
“Këto vlerësime, nga ana tjetër, prodhojnë një vlerësim të përgjithshëm SPI, i cili përfaqëson përqindjen e pikëve në dispozicion. Një fitore vlen 3 pikë, një barazim me vlerë 1 pikë dhe një humbje me vlerë 0 pikë”.
Duke i përfillur algoritmeve të tyre, City do të përfundojë si kampion në 85 pikë, me +53 gola diferencë.
Nëse parashikimet e tyre janë të sakta, fituesit aktual të Liverpoolit do të përfundojnë në vendin e dytë, 12 pikë prapa City dhe vetëm dy përpara Manchester Unitedit të vendit të tretë.
Pasi humbi në katërshen e parë në fund të sezonit të kaluar, Leicester City do të sigurojë futbollin e Ligës së Kampionëve për herë të dytë – me Tottenham dhe Chelsea që do të mbesin pas tyre sipas parashikimit.
Arsenali do ta mbyll sezonin në vendin e dhjetë, ndërsa West Brom, Sheffield United dhe Fulham parashihet të zbresin në kategorinë e dytë sipas të dhënave. /Telegrafi/
