Policia e Kosovës ka arrestuar një person në Prishtinë, pasi i njëjti ka sulmuar fizikisht bashkëshorten e tij.
Në njoftimin e bërë nga Policia e Kosovës thuhet se rasti ka ndodhur të martën rreth orës orës 19:00.
“Është arrestuar i dyshuari mashkull/K, pasi që pas një mosmarrëveshje ka sulmuar fizikisht bashkëshorten e tij femër/K duke i shkaktuar lëndime trupore. Viktimës i është dhënë ndihma mjekësore”, thuhet në njoftim.
Policia bën të ditur se pas intervistimit me vendim të prokurorit kujdestar, i dyshuari është dërguar në mbajtje./Telegrafi/