Të paktën nëntë persona janë vrarë dhe 37 janë plagosur pasi forcat ruse kanë lëshuar sulme të shumta me raketa në qytetin lindor të Ukrainës, Kharkiv, në atë që duket se shënon një ndryshim në taktikat e Moskës ndaj bombardimeve të zonave civile.
Sipas The Guardian, përcjell Telegrafi, kryetari i bashkisë së qytetit, Ihor Terekhov, tha se numri përfshin vdekjen e tre fëmijëve.
“Sot kemi pasur një ditë shumë të vështirë. Na tregoi se nuk është vetëm një luftë, kjo është një masakër e popullit ukrainas”, tha Terekhov në llogarinë e tij në Telegram. “Raketat goditën ndërtesat e banimit, duke vrarë dhe plagosur civilë paqësorë. Kharkiv nuk ka parë dëme të tilla për një kohë shumë të gjatë. Dhe kjo është e tmerrshme”.
Ai tha se katër persona u vranë kur dolën nga një strehë për të gjetur ujë dhe një familje me dy të rritur dhe tre fëmijë u dogjën të gjallë në makinën e tyre.
Putin’s scum targets the Kharkiv region administration.
The strike was not accurate, so the building has partly collapsed. pic.twitter.com/Rda5hYSPM2— Illia Ponomarenko (@IAPonomarenko) March 1, 2022
Disa pamje të publikuara thuhet se tregojnë dhjetëra raketa Grad që bien në qendër të qytetit të dytë më të madh të Ukrainës, duke rënë midis ndërtesave të banimit.
Një banor e përshkroi sulmin si “të tmerrshëm” dhe më të keqin deri më tani, pas pesë ditësh bombardimesh të pamëshirshme dhe agresionit të Rusisë. /Telegrafi/