Disa qytete ukrainase kanë përjetuar sulme të tjera të forcave ruse, pavarësisht premtimit të Vladimir Putinit për një armëpushim gjatë Krishtlindjeve Ortodokse.
U raportua se raketat kishin goditur një stacion zjarrfikësish në qytetin jugor të Ukrainës, Kherson, ku raportohet se është vrarë një zjarrfikës – dhe rajonin e bombarduar të Donetskut, raporton skynews.
Kyrylo Tymoshenko, zëvendësdrejtor i zyrës së presidentit ukrainas, tha se “Ata flasin për një armëpushim. Këta janë ata me të cilët ne jemi në luftë”.
Russia attacked the main fire station in the city of Kherson today in a major artillery strike.
They killed 1 Ukrainian fire fighter.
These are the “military targets” Russia attacks during its “unilateral Christmas truce” pic.twitter.com/CA5rLfr8tw
— Visegrád 24 (@visegrad24) January 7, 2023
Kujtojmë se presidenti i Rusisë kishte urdhëruar trupat të ndalonin sulmet në Ukrainë për 36 orë më 6 dhe 7 janar, kur populli rus dhe ukrainas festojnë kryesisht Krishtlindjet.
Por në rajonin lindor të Donetskut, dëshmitarët kanë raportuar se artileria ukrainase është qëlluar nga pozicionet pro-ruse.
Ndërkohë, në rajonin fqinj të Luhanskut, Serhiy Haidai tha se në tre orët e para të armëpushimit të supozuar, janë lëshuar 14 raketa. Ai shtoi se një vendbanim ishte “sulmuar” tre herë.
Ndryshe, Rusia ka nisur pushtimin e pajustifikueshëm të shtetit ukrainas më 24 shkurt të vitit të kaluar. /Telegrafi/