Sot rreth orës 12:00, Stacioni Policor në Suharekë ka pranuar informacion se në fshatin Popolan, komuna e Suharekës, dyshohet se një person ka pësuar lëndim të rëndë trupor nga arma e zjarrit. Viktima është një mashkull kosovar i vitit të lindjes 1970.
Njësitet policore relevante kanë dalë në vendin e ngjarjes ku gjatë ekzaminimit kanë gjetur dhe konfiskuar një pistoletë së bashku me një karikator, shtatë fishekë dhe një gëzhojë.
Viktima është transferuar në qendrën emergjente në Suharekë, ku është duke pranuar tretman mjekësor dhe sipas mjekut është jashtë rrezikut për jetë.
“I dyshuari i rastit mashkull kosovar nga njësite patrulluese dhe njësiti i hetimeve rajonale Prizren është identifikuar, lokalizuar dhe arrestuar. Me urdhër të Prokurorit kujdestar te dyshuarit iu është caktuar masa e ndalimit për 48 orë”, njofton Policia e Kosovës.
Me urdhër të Prokurorit kujdestar, të dyshuarit i është caktuar masa e ndalimit për 48 orë.
Njësitet policore, në koordinim me Prokurorin e Shtetit, janë duke hetuar të gjitha rrethanat e rastit.
