Daniel Sturridge pritet të zyrtarizohet si lojtar i ri i skuadrës angleze, West Bromwich Albion.
Sulmuesi anglez po haste në vështirësi dhe nuk po mund të gjente vend në formacionin titullar.
Por, edhe minutat dhe ndeshjet e pakta me fanellën e Redsave ka bërë që Sturridge të detyrohet të largohet.
Për shërbimet e tij u interesuan skuadrat e mëdha si Interi, Sevilla dhe Newcastle, pasi donin t’i garantonin lojtarit minuta për mos ta humbur Kupën e Botës.
Megjithatë, Sturridge ka befasuar të gjithë duke vendosur të pranojë ofertën nga skuadra tjetër angleze, WBA.
Është korrespondentja e Liverpoolit, Melissa Rudy, e cila ka raportuar se është arritur një marrëveshje për kalimin e lojtarit te skuadra e Alan Pardew.
Marrëveshja përfshin huazimin e thjeshtë gjashtë mujor të lojtarit dhe me skuadrën e WBA-së që do t’ia paguajë pagën lojtarit. /Telegrafi/