Manchester City favorizohet nga kompanitë e ndryshme të statistikave me 47 për qind të gjasave për të fituar titullin, i ndjekur nga rivali lokal, Unitedi me 24 për qind dhe Chelsea me 13 për qind.
Sezoni i Ligës Premier vetëm sa ka titulluar dhe ka vetëm shtatë ndeshje të zhvilluara deri më tani, por tashmë ka disa rrëfime që dalin rreth përfundimit të saj.
Kompania e të dhënave Gracenote Sports, e cila specializohet në parashikime të tilla, ka përditësuar fituesit e parashikuar të titullit.
Kjo kompani para fillimit të sezonit kishte parashikuar se titulli në sezonin 2017/18 do të fitohet përsëri nga skuadra e Antonio Contes, Chelsea.
Megjithatë, pas shtatë ndeshjeve kanë ndërruar parashikimin duke vendosur Manchester Cityn si favoritin kryesor për të fituar titullin këtë sezon me 84 pikë të tubuara, ndërsa Blutë kanë zbritur në vendin e tretë me 79 pikë.
Vendi i dytë sipas kësaj kompanie do të përfundoj Manchester Unitedi i Jose Mourinhos me 79 pikë të mbledhura, ndërsa ‘Top 4’ do të mbyllej me Tottenham Hotspurin.
Sipas kësaj kompanie, Arsenali do të mbetet përsëri jashtë katërshes duke përfunduar kështu në vendin e pestë, ndërsa Liverpooli në vendin e gjashtë.
Në këtë sezon, Gracenote Sports parashikon se nga Liga Premier do të bie Crysal Palace si e fundit me 30 pikë të tubura, ndërsa dy skuadrat tjera që do përfundojnë në fund do të jenë Huddersfieldi dhe Bournemouthi. /Telegrafi/
Parashikimi para fillimit të sezonit dhe pas shtatë ndeshjeve:
