Romelu Lukaku ka vendosur të largohet nga Chelsea dhe zyrtarizimi i tij te Interi është çështje ditësh.
Chelsea ka vendosur të lirohet nga belgu i cili dështoi të tregoi aftësitë e tij në Londër.
Duke marrë parasysh se Lukaku është thuajse i larguar, Chelsea ka filluar të mendojë për ta zëvendësuar belgun.
Sulmuesi anglez, Raheem Sterling është zgjedhja e londinezëve për repartin ofensivë.
Trajneri Thomas Tuchel e pëlqen shumë lojën e anglezit dhe ka kërkuar nga drejtuesit e klubit transferimin e tij në Stamford Bridges.
Sterling ka edhe një vit kontratë me kampionin në fuqi të Anglisë dhe është i gatshëm për tu larguar, pasi nuk është një titullar i rregullt te City.
Duke marrë parasysh se kontrata e tij me Cityn skadon në verën e vitit 2023, Chelsea është gati të shpenzojë 30 milionë euro për afrimin e tij.
27-vjeçari edicionin e fundit me Cityn zhvilloi 47 ndeshje në të gjitha garat ku ka shënuar 17 gola e ka asistuar në nëntë të tjerë. /Telegrafi/