Raheem Sterling mund të luajë një rol kyç në transferimin e Cristiano Ronaldos në Manchester City.
Agjenti i Ronaldos, Jorge Mendes është në Torino për të diskutuar lëvizjen e klientit të tij në Etighad Stadium.
Ylli portugez dëshiron të largohet nga Juventusi, por Manchester City nuk është i gatshëm të paguajë asnjë cent për ta marrë atë nga Torino, ndërsa gjigantët e Serie A duan të paktën 25 milionë euro.
Sidoqoftë, ky nuk është problemi i vetëm me përfundimin e marrëveshjes pasi Manchester City gjithashtu dëshiron të gjejë një klub për Sterling para se të nënshkruajë me Ronaldon.
Sipas mediumit italian La Gazzetta dello Sport, e ardhmja e sulmuesit anglez mund të përcaktojë të ardhmen e portugezit 36-vjeçar.
VIDEO Cristiano #Ronaldo vuole lasciare la Juve, il Manchester City ragiona: Sterling sblocca l’affare? https://t.co/ZCt7Q5XeKX
— La Gazzetta dello Sport (@Gazzetta_it) August 26, 2021
Një marrëveshje shkëmbimi që përfshin Ronaldon dhe Sterling nuk është një opsion i përmendur, por Barcelona ka treguar interes për anësorin e Cityt, kështu që nëse Sterling bashkohet me katalunasit, CR7 mund të transferohet në City.
Agjenti i Ronaldos, Jorge Mendes pritet të takohet me Juventusin sot. Ndërkohë, ylli portugez stërvitej rregullisht me Bianconerët në Continassa këtë mëngjes. /Telegrafi/