Një ndërprerje e madhe në funksionimin e Internetit Starlink ndodhi gjatë sulmit ndaj flotës ruse në Sevastopol natën e 12-13 shtatorit.
Analistët e platformës NetBlocks publikuan grafikun e lidhjes për muajin shtator, ku shihet se ndërprerja gjatë kësaj nate ka qenë më e keqja në muajin shtator. Cilësia e lidhjes së internetit ka rënë pothuajse në zero.
Më herët, CNN, i cili mori një fragment të biografisë së Muskut të shkruar nga gazetari dhe autori amerikan, Walter Isaacson, raportoi se në vitin 2022, miliarderi dyshohet se kishte urdhëruar fshehurazi çaktivizimin e komunikimeve Starlink pranë brigjeve të Krimesë për të penguar një sulm ukrainas ndaj marinës ruse në Sevastopol.
⚠️ Confirmed: Real-time network data show SpaceX Starlink satellite internet platform is currently experiencing an international outage; reason unknown. 🛰️📉 #StarlinkDown pic.twitter.com/kN0imUFRC1
— NetBlocks (@netblocks) September 13, 2023
Musk më vonë iu përgjigj raportimeve se urdhëroi fshehurazi ndërprerjen e komunikimeve të Starlink pranë bregut të Krimesë për të penguar një sulm ukrainas ndaj marinës ruse në Sevastopol.
Gjatë mbrëmjes, Ukraina kreu një sulm të suksesshëm ndaj flotës ruse në Sevastopol.
Rusia konfirmoi se një anije dhe një nëndetëse u dëmtuan në sulm. /Telegrafi/