Inter dhe Sporting Lisbona pritet të nisin një betejë të gjatë gjyqësore, pasi klubi portugez kërkon 30 milionë euro dëmshpërblim për Joao Marion që ka kaluar te Benfica.
Portugezët shitën futbollistin te Interi në verën e 2016-ës dhe në kontratë u parashikua një klauzolë që do të kishin të drejtën të bënin ofertë të parët, nëse Interi do ta rishiste mesfushorin sërish në kampionatin portugez.
Megjithatë verën e kaluar Interi zgjodhi të lërë të lirë futbollistin, që më pas firmosi me Benfican, rivalët e Sportingut.
Pikërisht për këtë arsye, Sporting ka dërguar një kërkesë zyrtare në zyrat e Interit, ku synon 30 milionë euro dëmshpërblim.
Te Interi janë të qetë, pasi kanë firmosur prishjen e kontratës me mesfushorin dhe pritet që të kthejnë shumë shpejt një përgjigje me shkrim, që do të jetë edhe zyrtarisht hapi për të nisur një betejë të gjatë ligjore. /Telegrafi/