E plotësuar: Bastisja në shtëpinë e Jakup Krasniqit në Prishtinë është duke vazhduar, ndërkaq avokati i tij, Valon Hasani, është duke tentuar të hyjë brenda.
Para shtëpisë së Krasniqi është edhe ministri nga radhët e Nismës Skender Reçica dhe sekretari organizativ i Nismës, Bilall Sherifi.
Ndryshe, Zyra e Prokurorit të Specializuar (ZPS) ka konfirmuar se aktualisht është duke kryer operacione në Prishtinë.
Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX).
E plotësuar:
Gjykata Speciale konfirmon operacionet në Prishtinë, Policia e Kosovës dhe EULEX-i në shtëpinë e Jakup Krasniqit
Zyra e Prokurorit të Specializuar (ZPS) aktualisht është duke kryer operacione në Prishtinë.
Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX).
Në njoftim thuhet se informacione më të detajuara do të jepen më vonë.
Ndryshe, forcat e shumta policore nga njësia e EULEX-it në mëngjesin e sotëm rreth orës 06:00, kanë shkuar në shtëpinë e Jakup Krasniqit në Prishtinë. /Telegrafi/
