Milan Skriniar është një nga mbrojtësit më të mirë të momentit në Serie A, por edhe në futbollin evropian.
Interi e bleu sllovakun nga Sampdoria në verën e 2017 për 34 milionë euro dhe që nga atëherë lojtari ka befasuar me paraqitje të mira.
“Askush nuk ka para mjaftueshëm të paguajë për Skriarin. Ai qëndron këtu pasi askush nuk mund ta përballojë”, ka thënë Spalletti pas ndeshjes kundër Beneventos.
Për lojtarin ka shfaqur interesim shumë skuadra, një nga më seriozët është Paris Saint Germaini.
Besohet se lojtari ka refuzuar tashmë një ofertë nga PSG në vlerë 70 milionë, pasi mendojë se vlera e lojtarit është mbi 100 milionë euro.
Po ashtu në ta kaluarën për lojtarin kishte shfaqur interesim edhe Manchester Unitedi, por tashmë zërat për Djajtë e Kuq janë shuar.
Në sezonin e kaluar përveç punës së madhe në mbrojtje, Skriniar kishte arritur të shënojë edhe katër gola. /Telegrafi/
https://www.youtube.com/watch?v=FD9N1iBXQBU