Trajneri i Interit, Luciano Spalletti ka thënë se skuadra e tij ka nevojë edhe për dy lojtarë të tjerë, por ka vështirësi dhe gjëra për të përfunduar.
Nerazzurët po kërkojnë një mbrojtës të djathtë dhe mendohet të jenë afër Sime Vrsaljko të Atletico Madridit.
Klubi nga qyteti i modës gjithashtu kërkon edhe një mesfushor dhe i preferuari është Arturo Vidal i Bayern Munich, i cili është gjithashtu një objektiv.
Për nevojën e dy përforcime ka folur edhe trajneri Spalletti, i cili mendon se ka ende zbrazëtira për të mbuluar gjitha repartet.
“Ne duam ende përforcime, por ka vështirësi dhe gjëra për të përfunduar”, ka thënë fillimisht Spalletti për SportMediaset.
“Me një ushtri që kemi pas nesh është e rëndësishme që të kemi një sezon të mirë dhe për të bërë këtë ka disa karakteristika”.
“Nevojiten një numër lojtarësh të duhur për të mbuluar të gjitha garat”.
“Të gjithë e dimë se neve na mungojnë edhe dy lojtarë, por jo për të më dhënë mua një avantazh. Është për 40 mijë tifozët që kanë qenë gjithmonë me ne”, përfundoi italiani. /Telegrafi/