Sonte do të lansohet videoklipi i ri nga hip hop ylli, Ledri Vula.
Reperi shqiptar ka kohë që po përgatit projektin, i cili titullohet me inicialet “SRMN” e që në fakt do të thotë “Sun Rrin me Neve”.
Vetëm nga titulli mund të bazohemi që do të jetë një këngë me plot thumba për rivalët e tij.
Kjo këngë u punua në shtëpinë e hiteve, Redbox, mësojnë burimet e Telegrafit.
Klipi është punuar nga Entermedia dhe Ledri tashmë ka përfunduar xhirimet e tij.
Në mbrëmje është paraparë lansimi i këtij projekti i shumëpritur nga publiku i reperit për të cilin viti 2015 pa asnjë dyshim ishte viti më i suksesshëm në karrierë. /Telegrafi/
