Ole Gunnar Solskjaer i ka thënë Mino Raiolas se trajneri i Manchester Unitedit do të vendosë se çfarë do të ndodhë me Paul Pogban, e jo agjenti i tij.
Përfaqësuesi i lojtarit e ka paralajmëruar klubin anglez se çmimi i mesfushorit francez do të bie, në rast se Djajtë e Kuq nuk kualifikohen në Ligën e Kampionëve.
Megjithatë, Pogba ka edhe 16 muaj kontratë dhe Unitedi e ka të drejtën për t’ia zgjatur edhe për një vit, prandaj kërkon një shumë të majme parash për të.
“Paul është lojtar i joni dhe jo i Minos. Nuk jam ulur me Paulin dhe nuk i kam thënë se çfarë t’i thotë trajnerit të tij. Nuk kam folur me Minon, kjo është sigurt”, ka deklaruar Solskjaer, citon The Sun.
Në ndërkohë, Raiola ka thënë se është në bisedime me Juventusin dhe zëvendëskryetarin Pavel Nedved për mundësin e kthimit të Pogbas në Torino. /Telegrafi/
