Manchester Unitedi është duke planifikuar transferimin e mbrojtësit veteran, Diego Godin, i cili aktualisht është pjesë e Interit.
34-vjeçari nuk është më i dëshiruar nga trajneri Antonio Conte, pasi nuk i është përshtatur sistemit të tij të lojës prej se u transferua nga Atletico Madridi.
Nga ana tjetër, Corriere dello Sport ka raportuar se Djajtë e Kuq e kanë rikthyer interesimin për futbollistin uruguaian.
Trajneri Ole Gunnar Solskjaer dëshiron më shumë përvojë në mbrojtjen e Unitedin dhe e konsideron Godinin si lojtarin e duhur për ta plotësuar fazën defensive.
Mbrojtësi ka kontratë me Nerazzurrët deri në vitin 2022, mirëpo nuk pritet që ta përfundojë kontratën. /Telegrafi/